♥ 心酸了

   【19/9/09年(六) 凌晨時分 (酷熱)】

    【心酸了】:)





     多數人會醃紅蘿蔔,但姐姐覺得紅蘿蔔食落澀澀哋...

     所以改選青蘿蔔,唔...姐姐覺得味道唔錯架!

     白蘿蔔唔駛講啦,姐姐覺得係最好食嘅...  ↓



     (心心/星星/花花/公仔)

     呵呵!姐姐係咪好得閒呢...  ↓



     上次(醃青瓜)用咗好多蒜茸,(生蒜味巧勁啊)

     本來話過再整就唔加蒜茸,但有蒜茸真係好味啲...

     所以姐姐係咁咦加一粒咁多啦...相內嘅冰糖唔夠架...

     因為再加冰糖再煮有排溶,再加多5包砂糖...就good喇!  ↓



     [上左]用密實袋裝啲酸咪咪,畀小妍拎番公司食。

     [上右]姐姐留起請朋友食。

     [下左/下右]裁剪完嘅心心~星星~花花..淨低嘅都醃埋食。↓



   【白蘿蔔一條/青蘿蔔二條】

      .白米醋一樽(500ml/毫升)

     .辣椒仔/10隻

     .冰糖(睇相咁多@再加5包砂糖)

     .蒜茸一粒(今次用咗一粒咋)。

     。   。   。   。   。

     .醃白蘿蔔/青蘿蔔=海鹽兩湯匙

     .煮滾白米醋加入冰糖(試啱個人口味)

     .加蒜茸~辣椒仔待涼,加入(白蘿蔔~青蘿蔔)

     .醃透放入雪櫃,雪凍就食得架喇。