♥ 蒜茸雞蛋炒飯

  【15/8/2014年(五) 晚上】

   【蒜茸雞蛋炒飯】↓

      <一碗簡單嘅炒飯>

     當妳咳到生生吓嘅時候...

     這算是一碗好美味嘅(正)飯。




  
   【飯】↑

     呢幾日因為感冒(冇喺到自言自語)

     開始時只係好似畀一班人打咗一身咁...

     第二日嗱嗱林沖葛根湯飲(打我嗰班人,立刻彈開晒)

     唔講都唔覺,早一日郁都唔想郁,瞓醒已經精神番。

     諗住飲多一兩次葛根湯,冇事就可停飲了!

     (可能嗰底未清)晚上睇緊<沒女>(剛巧有個感動位)

     嗰位沒女喊到淒淒涼涼,自己都忍唔住一齊喊...

     加上想起自己的事,而且導師不停叫沒女盡情釋放!

     反正都嗚...緊(順便釋放一些悶氣吧)可能盡情釋放過咗位,

     瞓醒收到S~來電,問我想食乜?唔開聲喂由自河...

     一喂就聽到自己成把聲拆晒,要用盡氣力先講到嘢,

     S~問我把聲做乜咁(唔問還好,一問,唔係喊,係笑到碌地)

     仲要笑到咔咔咔,咔到停唔倒(要用好大嘅氣力先講到食乜)

     記得嗰日唔出聲就冇事,一開口就咔咔咔唔停,

     最搞笑係C~都話我把聲(好頂隱)我自己都覺得巧巧笑喔!

     嚟料喇,呢兩日把聲依然拆晒,但就轉咗咳咳咳,咳到停唔倒!

     都係自己唔好,飲藥期間,仲要凍飲(已轉回熱飲)

     已經新買一盒葛根湯,希望唔使飲晒佢啦!