♥ 花膠瑤柱鮑魚仔湯@冬菇螺咀紅蘿蔔雞髀湯

 

 

   【23/2/2011年(三) 晚上】

      一次過將一包花膠出晒水...

      (用咗一半煲呢個湯) ↓

    【又想起...】↓

      話說第一次用花膠煲湯,諗住咁硬掘掘...

      浸淋後將花膠筒剪開兩邊,再打橫一剪/即1開4~~

      本來最後落花膠都冇乜問題,但起初以為要煲好耐,     
      由頭煲到落尾...溶晒(後來每次煲花膠都會想起...)

      小珊:阿姨,花膠好食呀,我想要多啲!

      阿姨:嗯...冇喇...得番少少咋...溶晒喇!!

      呵呵!阿姨我唔係唔捨得請大家食花膠呀...

      因為第一次煲花膠(原來係唔使煲咁耐架)

      所以後來煲花膠都唔會預太細件,亦唔會煮太耐...

      小珊:阿姨,花膠好食呀,我想要多啲!     
      阿姨:嘻嘻!好呀,冇問題...請隨便起筷。 ↓



    【寶庫裡的食材】↓
      鮑魚仔/江瑤柱...  



    【花膠瑤柱鮑魚仔湯】↓

      江瑤柱/鮑魚仔/花膠/核桃/北芪/淮山/杞子/西施骨。



    【冬菇螺咀紅蘿蔔雞髀湯】↓



    【佳寶/螺咀←好似係咁寫】現在唔見有得賣喇。
      螺咀可能係螺頭嘅家人(畀螺頭平啲)
      第一次用螺咀做食材(原來內裡係有好多沙架)  ↓



    【後記】↓

      材料:螺咀/冬菇/紅蘿蔔/雞髀/薑片     
      做法:煲老火湯...係咁煲~係咁煲就得架喇。。

      話說有一晚諗住喺(惠康)買煲湯骨煲湯...
      點知冇一盒煲湯骨係靚嘅!咁點算好呢...

      所有材料都預備好,最後見到"火鍋雞件/即係雞髀"幾靚~~

      就買咗佢返嚟煲呢個湯(其實都有啲驚會淡唔夠味)

      好彩連[朋友S]都話個湯好飲...但啲螺咀有好多沙呀!

      知道喇!下次再煲會浸淋後,剪開兩邊洗乾淨啲...

      其實煲淋啲...要嚟點蠔油食,都幾好食架。。。