♥ 瑤柱青紅蘿蔔湯

  【31/3/2017年(五) 晚上 (15度)】

   【瑤柱青紅蘿蔔湯】↓




   【瑤柱】↓

     將大半包已經有些白毛毛嘅瑤柱,

     拿拿林將冇問題嘅瑤柱分開擺放,

     盡快清洗有白毛毛嘅瑤柱(好彩仲食得) ^^



   【浸咗幾日嘅瑤柱】↓

     發大咗,好令仔啊! ^^



   【又再浸咗幾日嘅瑤柱】↓

     其實前後都浸咗好多天,

     剛巧喺百記買咗兩個青蘿蔔...



   【瑤柱青紅蘿蔔湯】↓

     呢煲仔係留起第二日,畀S~飲嘅,

     逢星期一至五,午餐差不多都係S~供應,

     因為食湯米粉加飲奶茶(怕佢成肚水)

     我~: 如果飽得濟,湯料食唔晒就算喇。

     S~: 拿,咁我食瑤柱同紅蘿蔔就夠了。

     我~: 點解嘅?(我反而好鍾意食青蘿蔔)

     S~: 因為青蘿蔔食咗會破氣...

     我~: 吓!我淨係知道食白蘿蔔會破氣(冬天食有益)

     哈哈!冇問題喎,咁以後可以煲其他食材...

     話時話,食青蘿蔔真係會破氣(真的嗎?) ^^



   【瑤柱青紅蘿蔔湯】↓

     第二晚終於清晒呢煲湯(好多瑤柱呀)

     呢煲湯全靠浸瑤柱嘅水(湯料得3種食材)

     但已經好好飲(留起30粒瑤柱寄居雪箱備用)



   【好抵呀】^^ ↓

     好鍾意去百記買瓜瓜(青蘿蔔兩個都係$4)

     紅蘿蔔一個街市買($5) 蕃薯百記買($2)備用。