♥ 蒜茸蔥花炒蛋

  【17/4/2011年(日) 晚上】

   【蒜茸蔥花炒蛋】↓




   【薑同蔥係好朋友】↓

     之前睇雜誌有教點樣煮【蔥花炒蛋】好味啲,

     .首先用油爆香薑茸同蔥花...

     .盛起放入已經打勻嘅蛋液內,加調味煎熟即成 。

     但懶得去磨薑茸,只用油爆香蒜茸同蔥花,

     就咁加入打勻嘅蛋液,加啲調味煎熟...

     試食下,同之前整嘅【蔥花炒蛋】冇乜分別!

     哈哈!決定下次會跟足雜誌教嘅做法,睇睇有何不同 。



   【九菜花】↓

     用蒜茸加調味炒...已經好好食 。



   【點炒先冇渣】

     每次炒九菜花/蜜糖豆/四季豆...

     如果就咁炒,時間短唔淋又有渣,

     煮得時間長就變黃晒,見到都唔想食!

     上面張相嘅九菜花...↑

     炒嘅時間短,顏色好靚但食落有渣 。

     下面嘅【九菜花臘腸煲】↓

     到食得落口又冇乜渣,其實已經煮到淋晒唔好食!

     就算將呢啲食材出水後再煮,都唔係次次成功,

     咁點算好呢!真係好鍾意食呢幾種食材架...