♥ 好痛啊! (加更新篇)

  【15/11/2013年(五) 晚上】

      <一對容易受傷的腳/前後傷了5次> 




   【回憶那可怕的場境】↓

     差不多每晚大約7時,我都會落街買嘢,

     今晚如常落到街市(經過兩個阿姐中間)

     右腳預備踏過一個(只見一少角)的發泡膠箱,

     不知左腳是否踏著物件,還是給阿姐撞了一吓,

     說時遲那時快,那一刻自己已經向前中,

     加上右腳剛想踏過發泡膠箱(哎喲一聲)
     因為順著發泡膠箱一滑(整過人飛了向前)
     已經不理會扒低嘅姿勢是否美妙...
     因為(膝頭哥)先落地,真係痛到小肶都唔認得! 

     ************

     因為已經夜了,諗住第二日先去睇醫生,

     可憐隻腳嘅(膝頭哥)已經腫起來(好鬼痛啊!)

     呢刻(膝頭哥)已經腫脹得不能隨便郁動!

     但竟然想去煮飯食(簡直係向難道挑戰)

     因為自己已經好似隻蟹咁打橫行(真係打橫行)

     隻左腳痛到不能向前行,彎著腰(只可以打橫行)

     而右腳係貼住地下"扇吓扇吓"咁扇住行...

     晚上瞓覺更是輾轉難眠(向左~打平~向右)

     都不能安眠(因為左腳隱隱作痛)好不容易捱過第二天,

     不得了,因為有朋友陪伴睇醫生都行不倒(腫痛得厲害)

     自己反而擔心(自己打橫行嘅姿勢)會整跌朋友!

     最後決定等到星期日先算(在家繼續打橫行)

     ************

   【17/11/2013年(日) 晚上】(更新篇) ↓

     今早起來,隻左腳嘅(膝頭哥)冇咁腫,慢慢已經可以向前行,

     但今日係星期日,亦唔知街市內睇跌打嘅有冇開?

     所以都係唔咁博,費是行到打風咁(最後都冇醫生睇)

     ************

     經過這兩天腳傷嘅痛楚(今晚隻左腳已經可以向前行)

     決定用冇益但又好味嘅食材,煮個煲仔飯,

     這裡不止一碗飯,淨餘的明晚加其他餸,又一餐啦 。