♥ 悠長故事! (序)

  【22/8/2014年(五) 晚上】

   【這故事!】↓

     


   【記事】↓

     95年開始...

     一封又一封的聖誕卡~生日卡...

     又或者是用心和手寫的的心意!

     為這個差不多經歷了20年的故事...

     添了一份感動~心中感激(當然亦有無奈的時候)

     自己用了無比的意志力,為這個悠長故事...

     加添了一份信任,其實凡事都有中間位,

     不會順風順水,很想將藏在心裏面的故事編寫出來!


   


   【悠長故事!】(序一) ↓

     差不多在20年前的一個零晨約3時多...

     很累坐在梳化上睡著了(隱隱約約聽到咯咯拍門聲)

     睡眼惺忪下,再聽到咯咯拍門聲(大聲了一點)

     這刻我已經緊張得個心狂跳著(自己是個心血少的人)

     那刻真係好驚慌(要拍住心口)另外又驚嚇親唔舒服嘅父親!

     (想扮屋中冇人都唔得)因為拍門聲已經由咯咯聲,

     去到一次比一次拍得大聲嘅咯咯拍門聲...

     (相信再唔開就會破門而入)一路要拍住心口...

     ******************

     驚慌的我:深呼吸,震揗揗(溫柔哋) 搵邊個呀?
     門外的人:警察呀,開門吖!

     驚慌的我:(好驚驚)打開門問:乜嘢事呀?
     警察:因為有人報警,呢度畀人入屋爆竊。

     (門外的人原來是警察啊!))))))
     打開門一看,嘩!唔係一兩個阿sir,
     而係排成一列,數不清有幾多個阿sir。

     驚慌的我:阿sir,唔係我報警呀...
              (已經知道是有人報錯警,往後再寫)
     警察:(循例問)會唔會妳同人結怨被人整蠱...?

     當時好想同阿sir講吓笑...
     阿sir,我都想同人結吓怨呀(但冇時時間啊!)
     因每日放工後煮飯,食完飯,睇吓電視(已經半夜啦)
     但又驚阿sir話我多口(所以阿sir問乜我就答乜)

     驚慌的我:(答完阿sir嘅問題,其餘阿sir環顧四周)
     警察:如果有問題,再通知警方啦(叫出面班隊員收隊)

     寫了以上這麼長嘅往事(是同悠長故事無關)
     不是...其實算是(悠長故事)的序幕!


   


   【悠長故事!】(序二) ↓

     過了兩三晚,又是一個零晨約2時多(今次早咗)
     我如常坐在梳化上睡著了(隱隱約約聽到咯咯拍門聲)
     今次仍然嚇咗一跳(但冇上次成個心快要跳出嚟咁驚)

     驚慌的我:(深呼吸,震震哋)問:搵邊個呀?
     門外的人:警察呀,開門吖!

     驚慌的我:吓...又嚟牙!
     警察:(竟然答)係呀!(其實佢哋都有之前嘅資料)

     ******************

     雖然是不同嘅隊員,但問嘅問題差不多...
     又係因為有人報警,我家畀人入屋爆竊!!

     到底我是否有同人結怨(再一次畀人整蠱)?
     答案:真的沒有同人結怨!(冇時時間呀)
              (應該是同隔我一間嘅問題屋有關)

     (悠長故事)是否由這一次事件開始?
      答案:是(雖然我很想寫下這故事)
               但內裏的文章(一定要小心編寫)
        代我從整家園之後(用輕鬆嘅心情去寫這故事吧)。