♥ 辦理15年的手續 {2018年4月25日(三)}

  【25/4/2018年(三) 晚上】

   【重要記事】↓




   【24/4/2018(二)】↓

     <辦理15年的手續> ↓

     整整過了一個月時間,
     那份重要(文件)仲未回到身邊,
     的確不能再等了!!

     當我一陣send訊息畀律師,
     又一次要面對緊張考驗時間!


     <已經send咗確定訊息>↓
     等回覆(好緊張喔!)

     <律師已經回覆確定> ↓
     明天先係最大考驗(頂住上!)


     如果我照律師所講,
     將所有資料影相後WhatsApp送出,
     我就可以唔使親自(今次)出現,
     可以等安排好再相約簽名,
     正常嘅我,應該會咁做(驚少次嘛!)

     最後我回覆阿律師,
     因為係個人重要嘅資料,
     我決定去佢寫字樓辦理,
     本來可以去荔枝角區辦理,
     宜家要去人多車多嘅旺角,
     嘩!諗起點都.....唔會轉軚!!

     <後記>1 ↓

     對其他人可能係輕易而舉的事,
     但對我呢個一緊張就可能會暈嘅人,
     真係百般滋味(但不能說.....不!)
     加上盞明燈唔得閒聽我傾訴! ^^
     等自己完成任務再說吧!!

     <後記>2 ↓

     如果15年前...
     唔係為某些原因,
     同呢15年裏面所面對嘅轉變!
     相信我唔會行出這一步。
     但的確冇得返轉頭(只好坦然面對!)
     其實坦乜嘢然吖(屎好多細胞㗎!)

     <後記>3 ↓

     (暫時完結篇)

   【25/4/2018年(三)】↓

     好奇怪,前晚同昨晚,
     竟然睡得好安寧,
     今早起來沒帶半點慌亂,
     呢刻我肯定知道(沒那麼順利的)

     到了要起程出門,
     嗱嗱嗱!就係咁喇!
     那種緊張狀態出現了!
     咁先似樣嘛(太了解自己)

     原來早兩日嘅平靜,
     就係由我起程去搭廣鐵,
     (之前還慣咗叫地鐵)
     當我差不多去到廣鐵站時,
     右腳突然,咦.....唔係吓嘛?
     鞋身同鞋底分開咗(想點呀?)

     平時習慣著露腳趾鞋,
     但諗住見律師(第一次嘛!)
     著得斯文啲(之前入粉嶺家都著過)
     突然發生甩鞋底事件...
     緊張之餘(還算淡定有錢淨) (笑)
     (我拎住鞋底揾垃圾桶收留)
     那一刻真係人生交叉點!
     我真係有諗過照去(驚遲到)
     因為係密頭鞋(得一寸多啲)
     但行起上來都係趷吓趷吓!
     如果咁樣出到旺角(真係搞笑)
     最後只好打電話同阿律師講:
     我甩咗鞋底要回家換鞋(遲啲到)
     自己講時都覺得好搞笑!
     於是就咁趷吓趷吓返屋企回鞋,
     最後決定著番對露腳趾鞋 (囧)

     嗱!問題就出係呢度喇,
     我真心相信自己唔會咁好運!
     兩日來心情咁平靜(冇可能㗎喎!)
     如果問我寧願要焦慮情緒?
     定甩鞋底(我寧願同焦慮為伴!)
     因為當時不下定決心,
     就會退回家再約時間,
     我不想再影響自己情緒!
     雖然好心急(決定繼續行程)

     <重要記事> ↓

     終於完成簽名行動,
     那份重要文件(如無問題)
     (會在4個月後通知領取)