♥ 不一樣的農曆新年 (2018)

  【26/2/2018年(一) 晚上】

    < 27/2(二) > ↓

     < 1/3(四) >




   【不一樣的農曆新年(2018)】↓

     農曆新年前...
     辦理15年的手續開始了!
     但因喺2月8日(四)那天,
     發生了(不煮人)事件!
     連發夢都冇想過嘅事情!
     就喺整個農曆新年期間發生!
     每日擔心~不安(天氣又凍)
     只好等(不煮人)回家先接力。

     終於安然度過!
     整個農曆新年全無過年氣氛!
     只因要集合大家嘅力量,
     因為天氣寒冷(自己都要保重先)
     等(不煮人)回家(到我接力)
     每日好似好忙咁(洗洗切切)
     預好一日兩至三餐飯盒,
     因為(不煮人)話食飯先有氣力。

     相片左下... ↑↑
     係自己嘅咸蛋可樂飯餐,
     隻咸蛋好好食呀,
     如果唔係咸蛋咸魚食多冇益,
     真係日日食都唔會厭(講真㗎)

     呢幾個月真係喺煩擾中渡過!
     既要入粉嶺家撐要撐嘅人,
     自己要辦理那份重要手續,
     仲畀啲街外嘅雀仔,
     霸佔咗整條抽油煙機嘅通道,
     相信已經塞滿佢哋嘅僭建物,
     一路煮餸,啲風一路倒流,
     試過爬上去拆雀雀嘅僭建物,
     最後決定換過部抽油煙機,
     因為都壞壞哋(換乜牌子好呢?)
     但一定要加鐵絲網罩住條通道,

     (怕咗啲雀雀呀)放過我啦! ^^

     希望煤氣公司喺附近擺檔,
     我想一次過換埋煮食爐呀(唔該)

     喺我續啲續啲解決問題時,
     廳嗰部電視機相信就快...(唉!)
     暫時只睇到翡翠台,
     但睇睇吓,又會閃閃吓,
     我同部電視機講 :
     唔好壞啦,淨睇翡翠台都好吖!
     其實好多年前開始(多數睇J2台)
     哈哈!呢個咪就係我嘅命運囉!

     <後記> ↓
     但今晚翡翠台個畫面好靚,
     冇閃嚟閃去(暫時係咁都好吖) ^^