♥ 冷泡茶 (下)

  【9/6/2015年(二) 晚上 (熱)】

   【冷泡茶 (上)】↓




   【冷泡茶】↓

     當我發現冷泡茶這三個字時,

     的確好似發現新事物咁...

     一直覺得泡茶一定要用大滾水,

     沖入茶葉先會令茶葉出味道,

     一如以往,雖然好想試飲有何不同,

     過咗差不多一年,終於試沖咗呢杯(冷泡茶)

     其實只是將一杯茶葉茶雪凍,

     但令我敢興趣嘅係,可以用凍開水泡茶,

     唔係嘛!初時有啲唔相信㗎,

     凍開水沖茶會出茶味嗎?

     當我上網睇(冷泡茶)嘅資料,

     有冇搞錯,原來已經歷史悠久,

     只係我烏吓烏吓,仍然係豬嘜一個,

     終於我沖了一杯,令我滿腦子好多問號?

     但其實只係一杯雪凍咗嘅茶,

     只不過用凍開水沖茶吧了!

     當我從雪櫃拎住杯(冷泡茶)飲咗一啖...

     唓!咪就係凍茶一杯,但我反而覺得呢杯(凍茶)

     幾啱自己口味,淡淡的茶味...

     唔會好似用大滾水沖出嚟有苦澀味,

     如果想茶味濃啲,可放在雪櫃內泡長些時間,

     等啲茶味濃啲,熱天飲,幾解喝㗎(唔錯唔錯)